Hindiston g‘arbidagi Txan shahridagi aholi turar joylaridan birida uy qulab tushishi oqibatida kamida 11 kishi halok bo‘ldi. Bu haqda India Today xabar berdi.
Xabarda aytilishicha, qurbonlarning 4 nafari bir oila a'zolari bo‘lishgan. Yana bir kishi bedarak yo‘qolgan, deb hisoblanmoqda.
Qayd etilishicha, bu fojia 4 avgustga o‘tar kechasi, odamlar uy ichida uxlab yotganida ro‘y bergan. Hodisa sabablari aniqlashtirilmoqda.
OAVda yozilishicha, bu uy 50 yil oldin qurilgandi va yashash xavfli holatga kelib qolgandi.