Navoiy viloyati Uchquduq tumani «Uchquduq Jahongir» fermer xo‘jaligi rahbari Abdulaziz Rahmatov xo‘jalikning o‘zida qurilish materiallari, jumladan, shlakoblok hamda yo‘laklar uchun bruschatkalar ishlab chiqarishni yo‘lga qo‘ydi. Bu haqda "Telegraf.uz" nashri xabar berdi.
Yaqinda Xitoydan 8,5 ming AQSh dollariga shlakoblok ishlab chiqarish uskunasini keltirib o‘rnatildi.
"Uskunamiz kuniga 1500 dona shlakoblok ishlab chiqarish quvvatiga ega. Hozirda har kuni 1000 dona mahsulot ishlab chiqarib, ularni tumandagi qurilish firmalariga yetkazib berayapmiz. Bu bilan 3 ta yangi ish o‘rni ham yaratildi. Mahsulotimiz xaridorgir", — deydi tadbirkor.