"Manchester Yunayted" jamoasining belgiyalik yosh yarimhimoyachisi Adnan Yanuzay bugun Dortmundning "Borussiya" jamoasiga o‘tishi kutilmoqda. Bu haqda Sky Sports xabar qilgan.
Xabarda aytilishicha, tomonlar futbolchining 1 yil davomida Germaniyada ijara asosida harakat qilishi bo‘yicha kelishib olishgan.
Biroz oldinroq, Yanuzay "MYu"ning asosiy tarkibiga kirmoqchiligi va jamoani tark etmasligini aytgandi.
Ma'lumot uchun, Yanuzay yangi mavsumda APLning 2 turida maydonga tushdi va bir gol urdi. APLning 3 va 4 tur o‘yinlarida esa u ishtirok etmagandi.