Moskvadagi “Domodedovo” aeroportida kelib chiqqan yong‘in bartaraf qilinib, yo‘lovchilar va personal bino ichiga qaytarildi. Bu haqda aeroport ma'muriyatidagi manbasiga tayangan holda RIA Novosti agentligi yozmoqda.
Ilgariroq aeroportda 3 ming kishi yong‘in xavfi tufayli evakuatsiya qilingani xabar qilingan edi.
15 m maydonni qamrab olgan yong‘in yukxonada kelib chiqqan bo‘lib, u hozirlikda o‘chirilgan.
Taxmin qilinishicha, yong‘in ushbu qavatda olib borilayotgan qurilish ishlari tufayli kelib chiqqan. Yong‘in sababi sifatida elektr uskunaning nosozligi ko‘rsatilmoqda.