10:30 / 13.09.2015
4295

Amsterdam aeroportiga qo‘ngan samolyot shassisidan afrikalik muhojir murdasi topildi

Amsterdam shahridagi Sxipxol aeroportiga qo‘ngan yuk tashuvchi samolyotning shassisida odam jasadi borligi aniqlandi. Reyter nashrida yozilishicha, bu samolyot 12 sentabr kuni mahalliy vaqt bilan 06:30da Afrikadan uchib kelgandi.

SNN telekanalida aytilishicha, bu jasad ayni vaqtda o‘likxonaga jo‘natilgan va uning shaxsini o‘rganishga harakat qilinmoqda.

Taxmin qilinishicha, u Yevropaga shu yo‘l orqali yetib olishga harakat qilgan muhojir.

Qayd etish kerakki, oxirgi 1 yil davomida Afrikaning Nigeriya, Kamerun, Chad, Mali, Livan, Tunis, Somali, Uganda va boshqa bir qator mamlakatlarida jangarilar faollashishi kuchaydi. Natijada bu mamlakatlarda o‘n minglab qochqinlar shimolga qarab intilishmoqda.

BMT hisob-kitoblariga ko‘ra Yaqin sharq va Afrikadan 2015 yilning boshidan buyon 378 ming kishi Yevropaga kirib borgan. Yil oxirigacha bu miqdor 1 mln nafarga yetishi bashorat qilingan.

Ayni vaqtda muhojirlarni asosan Germaniya qabul qilmoqda. Nisbata kichik davlat bo‘lmish Niderlandiyaga esa 1500 nafar muhojir qabul qilinishi kutilmoqda.

Top