Deyarli 10 yil davomida turli maktabgacha ta'lim muassasalarida tarbiyachi bo‘lib ishlab kelgan qarshilik Dilnoza Usmonova bog‘cha mudirasi bo‘lish orzusida soxta diplom oldi, ammo uning bu ishi 1 yildan so‘ng fosh etildi. Voqea tafsilotlari “Huquq” gazetasida yoritildi.
Aytilishicha, 2014 yili Usmonova Qarshi davlat universitetida ishlaydigan Shavkat Tilovovdan 3 500 dollarga soxta diplom sotib olgan va shu asosda shahardagi 48-sonli maktabgacha ta'lim muassasida mudira bo‘lib ishlab kelgan.
Ammo diplomning soxtaligi fosh etildi. Shahar sudi Usmonovani 1.5 yil axloq tuzatish ishlariga hukm qildi.