Shayxontohurlik firibgar ayol tanishidan “qarindoshimni Hindistonda davolataman” degan bahonada 16.5 mln so‘m olib, qaytarib bermadi. Jabrlanuvchining murojaatiga ko‘ra u qo‘lga olinib, sudga tortildi. Voqea tafsilotlari “Ogoh” nashrida yoritildi.
Aytilishicha, 1984 yili tug‘ilgan Dilmira Uzoqova o‘zidan 12 yosh kichkina bo‘lgan Xalil Bakirov bilan tanishib, uning ishonchiga kirgan. U yigitchadan qarindoshini davolatish uchun Hindistonga jo‘natayotganini aytib, qarzga pul so‘ragan. Dilmira o‘ljasidan 16.5 mln so‘m olib, shundan so‘ng u bilan aloqani uzishga harakat qilgan. Lekin Bakirov, aldanganini tushungach, tegishli tashkilotlarga murojaat qilgan.