Toshkentda O‘zbekiston Respublikasi Oliy sudi raisi Shoyunus G‘oziyev va Germaniya Federativ Respublikasining Toshkentdagi elchisi Naytxart Xyofer-Vissing o‘rtasida uchrashuv bo‘lib o‘tdi.
“Tomonlar sud huquq sohasida o‘zbek-nemis o‘zaro munosabatlarining joriy masalalari bo‘yicha fikrlar almashdilar va bu sohada ikki tomonlama hamkorlikning yanada rivojlanishi istiqbollarini muhokama qildilar”, deb xabar bermoqda O‘zbekiston Respublikasi Oliy sudi matbuot xizmati.