Ukraina sharqidagi tan olinmagan Donetsk va Lugansk “xalq respublikalari” mahalliy organlarga saylovlar 2016 yilga ko‘chirilganini xabar qilishdi. Bu haqda Lugansk axborot markazi xabar berdi.
“Biz Kiyev “Minsk-2” punktlarini to‘liq bajargan taqdirda Donbassdagi saylovlarni 2016 yil 21 fevraliga ko‘chirish haqidagi taklifimiz Normand to‘rtligi tomonidan hisobga olinganini mamnuniyat bilan qayd qilib o‘tamiz”, - deyiladi xabarnomada.
Eslatib o‘tamiz, bugun Ukraina prezident Pyotr Poroshenko ayirmachilar saylovlarni qoldirishi haqidagi ma'lumotga ega ekanligini tasdiqlagan edi.