Isroil harbiy-havo kuchlari G‘azo sektoridan raketa uchirilganidan ikki soat o‘tib javob zarbalarini berdi, deya yozmoqda Haaretz.
Qurolli kuchlarning xabar berishicha, zarbalar XAMAS tashkilotining qurol-yarog‘ ustaxonasi tomon yo‘naltirilgan.
Biroq Frans Press axborot agentligi ma'lumotiga ko‘ra, zarbalar ustaxonaga emas, turar-joy binosiga kelib tushib, ikki tinch fuqaro – homilador ayol hamda bola jarohatlangan.
Avvalroq esa isroillik harbiylar bilan to‘qnashuvlarda bir kun davomida 9 nafar falastinlik qurbon bo‘lgani xabar qilingan edi.
So‘nggi kunlarda, falastinliklar ma'lumotiga ko‘ra, 570 kishi jarohat olib, ularning 400 nafari Isroil politsiyasi tomonidan qo‘llangan ko‘zdan yosh sizdiruvchi gazdan foydalanish natijasida jabrlangan.