2015 yilning o‘tgan davri mobaynida Qirg‘izistonning tashqi savdo hajmi 17.2 foizga qisqardi. Bu haqda milliy statistika qo‘mitasi ma'lumotlariga tayangan holda Qirg‘iziston telegraf agentligi xabar bermoqda.
Aytilishicha, yanvar-avgust o‘rtasida eksport 3 foizga, import 21.1 foizga qisqargan. Oltin hisobga olinmaganda, eksport hajmi 27.5 foizga qisqardi.
MDH davlatlariga yetkazmalar 26.9 foizga, boshqa davlatlarga yetkazmalar 29.1 foizga qisqardi.
Bu holat kimyo sanoati, qishloq xo‘jaligi, kiyim-kechak mahsulotlari eksportining qisqarishi bilan bog‘liqdir.