Frantsuz va italyan novvoylari dunyoning eng uzun bagetini (bulochka) tayyorlashdi. Bu haqda Associated Press axborot agentligi xabar tarqatdi.
Ularning mazkur natijalari Ginnesning rekordlar kitobiga kiritildi.
122 metrli non-bulochka mahsulotini tayyorlash uchun taxminan 60 nafar novvoylar mehnat qilishdi. Mazkur mahsulot Milandagi «Ekspo-2015» ko‘rgazmasi vaqtida namoyish etilgan. Rekord qayd etgan bagetni tayyorlash uchun novvoylar 7 soat vaqt sarflashgan, maxsus pechdan foydalanishgan.
Rekord natija qayd etilganidan keyin mazkur bulochka mahsuloti bo‘laklarga bo‘linib yuzlab ko‘rgazma ishtirokchilariga bo‘lib berilgan.
Oldingi rekord darajadagi bagetning uzunligi 111 metrni tashkil etgan.