Misrning Sinay yarimoroli hududida falokatga uchragan Rossiya yo‘lovchi samolyotining “qora quti”lari aniqlandi, deya xabar bermoqda Al Jazeera telekanali.
Bundan avvalroq esa Rossiyaning Airbus-321 layneri qulagan hududdan 100 nafarga yaqin kishining jasadi aniqlangani xabar qilingan edi.
Shuningdek, halokatdan to‘rt kishining omon qolgani aytilmoqda.
Eslatib o‘tamiz, bugun, 31 oktabr kuni Misr vaqti bilan 6:51 da (Toshkent vaqti bilan 9:51) Rossiyaning "Kogalimavia" aviakompaniyasiga tegishli Sharm ash-Shayx — Sankt-Peterburg yo‘nalishi bo‘yicha 9268 reysini amalga oshirayotgan Airbus-321 layneri parvozga ko‘tarilgandan 23 daqiqa o‘tib radarlar ekranidan yo‘qoldi. Mazkur samolyot bortida 217 nafar yo‘lovchi va yetti nafar ekipaj a'zosi bo‘lgan.