"Bavariya" jamoasining sobiq prezidenti 63 yoshli Uli Xyoness 2016 yilning 2 mart kunidayoq qamoqdan chiqishi mumkin. Bu haqda Sport1 xabar bergan.
Eslatib o‘tamiz, 2014 yilning 13 mart kuni Myunxen sudi Xyonessni soliqlarni to‘lashdan bo‘yin tovlashda aybdor deb topib, 3,6 yillik qamoq jazosiga hukm qilgadi. Jarayon ayblovchisi "Bavariya"ning sobiq prezidenti davlatdan 27,2 million yevro "urib" qolganini aytgan.
Manbada yozilishicha, Xyoness tegishli tartibda ariza bilan murojaat qilgan.
Germaniya qonunlariga ko‘ra, qamoq jazosiga hukm qilingan inson jazoning ikkinchi yarmi shartli bo‘lishi uchun arznoma berishi mumkin.
Ayni vaqtda Xyonessga haftaning 5 kunida kunduzgi vaqtlarda qamoqdan tashqariga chiqish imkoni mavjud.