BMTning qochqinlar masalasi bo‘yicha oliy komissari Antoniu Guterresh fuqarosizlikka qarshi kurashda boshqa bir qator davlatlar qatorida Rossiya va Qirg‘iziston hukumatlarining ham xatti-harakatlarini e'tirof etdi.
Bosh Assambleyaning 3-qo‘mitasidagi chiqishida u 2011 yildan buyon apatridlar (fuqaroligi yo‘q shaxslar) borasidagi konvensiyalarga 50 davlat qo‘shilganini ta'kidladi.
“Ammo muhimroq jihati shundaki, Kot-d’Ivuar, Qirg‘iziston, Malayziya, Rossiya Federatsiyasi va Tailandda minglab odamlarning fuqaroligini tasdiqlash borasidagi ishlar muvaffaqiyatga olib keldi”, - dedi Guterresh.