Rossiya prezidenti Vladimir Putin Turkiya prezidenti Rajab Toyib Erdo‘g‘an bilan telefon orqali suhbat qurdi. Bu haqda Kreml matbuot xizmati xabar tarqatmoqda.
Suhbat davomida tomonlar rus-turk hamkorligi, ikki tomonlama oliy darajadagi hamkorlik kengashining navbatdagi yig‘ilishi va savdo-iqtisodiy hamkorlikni rivojlantirish masalalarini muhokama qildi.
«Putin va Erdo‘g‘an Suriyadagi vaziyat borasida ham fikr almashishdi», — deyiladi matbuot xizmati xabarida.
Shuningdek, Vladimir Putin Erdo‘g‘anni Turkiyada 1 noyabr kuni bo‘lib o‘tgan saylovlarda Adolat va taraqqiyot partiyasi g‘alaba qozongani bilan qutladi. O‘z navbatida Turkiya rahbari Misrda qulagan rus samolyoti bo‘yicha hamdardlik bildirib o‘tdi.