Rossiya turizmi boshlig‘i Oleg Safonovning ma'lum qilishicha, Misrga parvoz uchun yo‘llanmalarga pul to‘lab qo‘ygan rossiyalik sayyohlar Rossiya va Misr o‘rtasidagi aviauchuvlarning to‘xtatilishi munosabati bilan u yerga ucha olishmaydi. Bu haqda RIA “Novosti” xabar bermoqda.
“Aviauchuvlarning to‘xtatilishi munosabati bilan endilikda rossiyalik sayyohlar Misr Arab Respublikasiga qayta ucha olishmaydi”, — deb xabar berdi u.
Safonov yana shuni alohida ta'kidlab o‘tdiki, ayni damda Misrda 75 ming nafar rossiyalik hordiq chiqarmoqda. Ulardan 40 foizi Sharm-el-Sheyx, 60 foizi esa Xurgada kurortida dam olmoqda.
Avvalroq Rossiya prezidenti matbuot-kotibi Dmitriy Peskov Misrga parvozlarning to‘xtatilishi A321 halokati bilan bog‘liq emasligini ma'lum qilgan edi.