Angliya premer ligasida o‘tgan oyning eng yaxshilari aniqlandi.
Unga ko‘ra, "Lester" jamoasining 28 yoshli hujumchisi Jyeymi Vardi oktabr oyining eng yaxshi futbolchisi sifatida tan olindi. U o‘tgan oyda APL doirasida o‘tkazilgan 4ta o‘yinda 5ta gol urgan.
Vardi joriy mavsumda o‘tkazilgan 12 turda jami 12ta gol urdi. Shundan ketma-ket 9ta o‘yinda maydonni golsiz tark etmagan.
Ayni vaqtda, uning gollari evaziga "Lester" jamoasi APLning 3-o‘rnida joylashgan (25 ochko). Jamoa oktabr oyida 4ta o‘yin o‘tkazgan va 3ta g‘alaba hamda 1ta durang qayd etgan: "Norvich" (2:1), "Sautgempton" (2:2), "Kristal Pelas" (1:0), "Vest Bromvich" (3:2). Shuningdek, Angliya ligasi kubogi doirasida "Xall Siti"ga qarshi uchrashuv o‘tkazilib, 1:1 hisobi qayd etilgan.