“O‘zbekengilsanoat” AJ Toshkentda bo‘lib o‘tgan Xalqaro investitsion forumi doirasida xorijiy investorlar bilan umumiy qiymati 216 mln dollarga teng bo‘lgan memorandumlar va oldi-sotdi shartnomalari imzolandi.
Jumladan, investitsion loyihalar realizatsiyasiga qaratilgan 8 memorandum va tekstil sohasidagi bitta oldi-sotdi shartnomasi imzolandi, deb xabar beradi “O‘zbekengilsanoat” matbuot xizmati.
Strategik hamkor bo‘lmish Lemon International kompaniyasiga Andijon viloyatidagi bankrot korxona – “Bobur” AJ binosi sotildi. Shartnoma qiymati 2.4 mln dollarni tashkil qildi.
“O‘zbekengilsanoat” AJ, Davlat raqobat qo‘mitasi, Andijon viloyati hokimiyati tomonidan Bobur M and F (Gongkong) MChJ bilan ushbu korxona negizida 25 mln dollarlik investitsion loyihani amalga oshirish bo‘yicha memorandum imzolandi.
