Qashqadaryo viloyati, Shahrisabz shahridagi vinozavodida ("Shahrisabz vino-aroq" AJ) haydovchi sifatida faoliyat ko‘rsatadigan Murodullo Nazarov Isroilda o‘tkazilgan faxriylar o‘rtasidagi jahon chempionatidan g‘olib bo‘lib qaytdi.
U Isroildagi turnirda 63 kg vazn toifasida bahslarda qatnashgan. Turnirda 24 davlatdan kelgan 267 sportchi qatnashgan.
«Novosti Kashkadari» gazetasida yozilishicha, u o‘z vaqtida, sambo bo‘yicha yoshlar va o‘smirlar o‘rtasida O‘zbekiston hamda Osiyo chempioni bo‘lgan. Shuningdek, bir qator jahon kuboklarida sovrindor bo‘lgan.
Endilikda Murodullo Nazarov 2016 yilda Xorvatiyada o‘tkaziladigan faxriylar o‘rtasidagi jahon chempionatiga tayyorlanmoqda.