“Kasperskiy laboratoriyasi”ning bosh direktori Yevgeniy Kasperskiy Spiegel nashriga bergan intervyusida IShID jangarilariga qarshi xakerlar emas, davlat organlari kurashishi lozimligini ta'kidlab o‘tdi.
“Hozircha men birinchi navbatda IShIDning ko‘plab veb-saytlari va ijtimoiy tarmoqlardagi akkauntlarini ko‘ryapman, ular o‘shalar orqali targ‘ibot yuritmoqda. Umuman olganda, vaziyatni nazorat ostiga davlat organlari va ijtimoiy tarmoqlarning o‘zlari olishi lozim, buning uchun “Anonimus” kerak emas”, - dedi u.
Shu bilan birga, Kasperskiy IShIDning xakerlari ham o‘ta xavfli hujumlar uyushtira olishi mumkinligini aytib o‘tdi.