Rossiya prezidenti Vladimir Putin Mudofaa vazirligining kengaytirilgan hay'at yig‘ilishida “Ozod Suriya armiyasi”ning 5 mingdan ko‘proq kishidan iborat qismlari hukumat qo‘shinlari bilan birgalikda IShID jangarilari pozitsiyalariga hujum qilayotganini aytdi.
“Alohida ta'kidlayman, bizning aviaguruh ishi ham hukumat qo‘shinlari, ham “Ozod Suriya armiyasi” sa'y-harakatlarini birlashtirishga ko‘mak bermoqda. Hozirda “Ozod Suriya armiyasi”ning umumiy soni 5 mingdan ko‘proq odamni tashkil qilgan qismlari va muntazam qo‘shinlar Xoms, Xama, Halab va Raqqa viloyatlarida jangarilarga qarshi hujumkor harakatlar olib bormoqda”, deb aytdi Putin.
Putinning ta'kidlashicha, Rossiya “Suriya armiyasini qo‘llab-quvvatlagandek, “Ozod Suriya armiyasi”ni havodan qo‘llab-quvvatlamoqda, ularga qurol-aslaha, o‘q-dori va moddiy vositalar bilan yordam bermoqda”.
Avvalroq Putin harbiylarga iloji boricha qattiqqo‘lroq harakat qilishlarini hamda Rossiya Qurolli kuchlariga Suriyada xavf soluvchi istalgan nishonlarni yo‘q qilishni buyurgani ma'lum qilingandi.