Turkmaniston Prezidenti Gurbanguli Berdimuhamedov Ashxobodda o‘tkazilayotgan BMT Bosh assambleyasi tomonidan Turkmanistonning doimiy betaraflik maqomi tan olinganining 20 yilligiga bag‘ishlangan “Betaraflik siyosati: tinchlik, xavfsizlik va taraqqiyot yo‘lida xalqaro hamkorlik” mavzusidagi xalqaro konferensiya doirasida Tojikiston prezidenti Emomali Rahmon bilan uchrashdi.
Uchrashuv chog‘ida prezidentlar ikki davlatning o‘zaro hamkorligi istiqbollarini muhokama qilishgan. Uchrashuvda yoqilg‘i-energetika va transport-aloqa sohasidagi hamkorlikning jihatlari haqida gaplashishgan. Xususan prezidentlar Turkmaniston-O‘zbekiston-Tojikiston-Qirg‘iziston-Xitoy bo‘ylab gaz quvuri qurilishi hamda Turkmaniston-Afg‘oniston-Tojikiston o‘rtasidagi temir yo‘l qurilishi loyihasining amalga oshirilishi masalasida gaplashishgan.
Shuningdek, suhbat chog‘ida rahbarlar Turkmaniston va Tojikistonning xalqaro maydondagi siyosiy voqealarga munosabatini bildirib o‘tishgan.