Rossiyalik xonanda Stas Mixaylov Kishinyovning “Kommunalka” restoranini xarid qildi va endilikda ushbu franshiza ostida Rossiyada restoranlar tarmog‘ini tashkil etmoqchi. Bu haqda Moldovaning “Logo-press” gazetasiga tayangan holda Interfaks agentligi xabar bermoqda.
Aytilishicha, rossiyalik san'atkor brendni 2 mln yevroga o‘ziga tegishli SM Group kompaniyasi orqali xarid qilgan. U Rossiya hududida 50ta restoran ochmoqchi, bu loyiha realizatsiyasiga ega 25 mln yevro talab qilinadi. Birinchi restoran 2016 yil fevralida Sankt-Peterburgda ochiladi.
“Kommunalka” Kishinyovda 2014 yil martida ochilgan bo‘lib, sovet davri kommunal xonadonlar dizayniga yaqin vintajli interer tufayli tez orada mashhurlikka erishdi.