Suriyaning kuchsizlanishi mintaqa davlatlari va butun islom olami manfaatlariga zid keladi. Bu haqda yakshanba, 27 dekabr kuni Eron prezidenti Hasan Ruhoniy Tehronda bo‘lib o‘tgan Islom birdamligi 29- xalqaro konferensiyasidagi chiqishida ma'lum qildi.
“Suriyaning ojizlanishi islom dunyosi va qo‘shni musulmon davlatlar manfaatlariga xizmat qiladimi? Suriyaning vayron bo‘lishi Turkiya, Saudiya Arabistoni, Qatar yoki Birlashgan arab amirliklarining kuchayishiga olib keldimi?” – deya o‘rtaga savol tashladi Eron prezidenti.
“Dunyodagi 84 foiz zo‘ravonlik, terror va qotillik, afsuski, islom davlatlarida, Shimoliy Afrika va G‘arbiy Osiyoda sodir bo‘limoqda”, - deya davom ettirdi Ruhoniy. Uning so‘zlariga ko‘ra, bu islom davlatlari siyosati yanada mas'uliyatliroq bo‘lishi lozimligini anglatadi.