Qozog‘iston prezidenti Nursulton Nazarboyev mudofaa vazirligi rahbarlar tarkibi bilan uchrashuv o‘tkazdi. Bu haqda Oq O‘rdaning rasmiy sayti xabar bermoqda.
Davlat rahbari uchrashuvda qurolli kuchlarning yil davomidagi faoliyati yakunlarini ko‘rib chiqdi, shuningdek, armiyaning harbiy tayyorgarligi, mamlakatning mudofaa qobiliyatining kuchaytirilishiga baho berdi. U armiyaning bugungi kunning dolzarb tahdidlarini bartaraf qilishdagi ahamiyatini alohida qayd qildi.
“Har bir qozog‘istonlik, o‘z xavfsizligi haqida o‘ylar ekan, avvalo qurolli kuchlarimizga umid qiladi. Buni unutmasligingiz kerak. Qurolni shay tutish zarur. Davlat o‘z tomonidan armiya uchun barcha sharoitlarni yaratadi. Sizning vazifangiz esa sifatli zobit va askarlarni yetishtirib berishdir”, - ta'kidladi Nazarboyev.