Bugun, 9 fevral - Alisher Navoiy tavalludining 575 yilligi munosabati bilan Tvitterning o‘zbekistonlik foydalanuvchilari avvaldan kelishib olinganidek virtual fleshmob-aksiya tashkil qilishdi va #Navoiy575 heshtegini trendga olib chiqishdi.
Uraaaa!!!! #Navoiy575 Trenddamiz!!! Peshqadamlik! #Navoiy575
— Usmon Ibodov (@Usmon_IX) 9 fevralya 2016
Kuch birlikda! Molodtsy!) pic.twitter.com/AHKw0fX4RC
Aktsiya davomida Tvitterdan tashqari Feysbuk hamda Instagram ijtimoiy tarmoqlari foydalanuvchilari ham #Navoiy575 heshtegini ishlatgan holda postlar qoldirishdi.
Navoyi trendga chikdi! Tabriklar! #Navoiy575 pic.twitter.com/PKRNgQ1YGO
— Navruzbek_21 (@navik_21) 9 fevralya 2016
Hashtags.org xizmati ma'lumotiga ko‘ra, tvitterda #Navoiy575 heshtegi ostida aksiya boshlanganidan o‘tgan bir soat davomida 14 mingga yaqin tvitlar yozilgan. Keyingi soatlarda esa bu miqdor 16 mingtadan ortiqni tashkil qilgan.
Navbatdagi aksiya 14 fevral - Zahiriddin Muhammad Bobur tavalludi munosabati bilan o‘tkazilishi rejalashtirilgan. Unda ijtimoiy tarmoq foydalanuvchilari #BoburDay heshtegi bilan post qoldirish kerak bo‘ladi. Aktsiya soat 14:00 da boshlanadi.
Eslatib o‘tamiz, o‘zbekistonlik tvitter foydalanuvchilari bungacha 3 marta – 2012 yili O‘zbekiston Mustaqilligining 21 yilligi arafasida #uzb21, 2013 yili Mustaqillikning 22 yilligi arafasida #uzb22, 2015 yili esa FIFA referisi Ravshan Ermatovga bag‘ishlangan #IrmatovBest heshteglarini jahon trendi darajasiga ko‘targan edi.