11 fevral kuni O‘zbekiston Tashqi ishlar vaziri Abdulaziz Komilov Amerika Qo‘shma Shtatlarining favqulodda va muxtor elchisi Pamela Leora Spratlenni qabul qildi. Bu haqda TIV rasmiy saytida ma'lum qilingan.
Suhbat davomida 19-21 yanvar kunlari Vashington shahrida bo‘lib o‘tgan siyosiy maslahatlashuvlarning oltinchi raundi hamda boshqa uchrashuv va muzokaralar yakunlari yuzasidan fikr almashildi.
Uchrashuvda 2016 yilga mo‘ljallangan turli darajadagi O‘zbekiston-AQSh uchrashuvlari jadvali va kun tartibi muhokama qilindi.