Markaziy Gretsiyadagi Ropoto qishlog‘i 2012 yilda o‘z holiga tashlab qo‘yilgan. 300 dan ortiq oilalar o‘z uylarini tashlab, ko‘chib ketishga majbur bo‘ldilar, chunki qishloqdagi binolar sekin-asta cho‘kib, tepalikdan pastga qarab qiyalay boshlagan.
Tashlandiq qishloqda hozir faqatgina umumiy binolar — maktab, mehmonxona va cherkovlar qolgan.
Mahalliy aholining so‘zlariga ko‘ra, hukumat mazkur holat yuzasidan odamlarga hech qanday yordam ko‘rsatmagan, bu ham yetmagandek, ba'zilar hamon mol-mulk solig‘ini to‘lashyapti.
Ijtimoiy tarmoqlarda sayohatchilar tomonidan olingan tobora “qiyshayib” borayotgan qishloq aks etgan suratlar tez-tez paydo bo‘lib turadi.
