Shu yilning yanvarida «Match» teleholdingidp shtatdan chiqarilgan rossiyalik taniqli sport sharhlovchilari Vasiliy Utkin va Aleksandr Yelagin Eurosport telakanalida sharhlovchi sifatida ish boshlashadi.
Eurosport matbuot xizmatining xabar berishicha, telekanal ushbu mutaxassislar bilan shartnoma imzolagan, ular MLS (AQSh va Kanada futbol ligasi)ning yangi mavsumidagi o‘yinlarni sharhlab borishadi.
«Vasiliy Utkin Eurosport 2 kanalida ilk marta MLS chempionati doirasidagi «Nyu-York Siti» – «Toronto» bahsini (13 mart kuni) sharhlash orqali debyut qiladi. U o‘sha kuni «Filadelfiya Yunion» – «Nyu-Inglend Revolyushn» bahsini ham sharhlaydi.
Aleksandr Yelagin 6 mart kuni soat 21:30da Eurosport 1 orqali mavsumning ochilish o‘yinini sharhlaydi. Bu o‘yinda «Nyu-York Red Bullz» va «Toronto» bellashadi», – deyiladi telekanal matbuot xizmati xabarida.
Utkin va bir qator sharhlovchilar «Match TV» kanalining shtatdagi xodimlari ro‘yxatidan chiqarildi
Utkin «Match TV» telekanalidan ketdi
Vasiliy Utkin o‘z tvitteri orqali ham yangi ishga joylashgani haqida ma'lumot qoldirgan.
Porabotayu na Yevrosporte. Kommentariy eto remeslo v kuda bolshey mere, chem ponty. Nado rabotat postoyanno, k chertu pauzy! Spasibo Yevrosportu.
— Vasiliy Utkin (@radioutkin) 3 marta 2016 g.