«O‘zbekenergo» aksiyadorlik jamiyati 2016 yil birinchi chorak yakunlari bo‘yicha hisobot berdi.
O‘zbekiston Respublikasi Prezidentining «Sog‘lom ona va sog‘lom bola yili» Davlat dasturi haqida»gi 2016 yil 09 fevraldagi № PP-2487 sonli qarorini amalga oshirish maqsadida «O‘zbekenergo» AJda 35,9 milliard so‘mlik hajmdagi xarajatlar prognozi bilan sanoat dasturi ishlab chiqilgan, chora-tadbirlarni amalga oshirishni ta'minlash bo‘yicha komissiya tashkil etildi. «Sog‘lom ona va sog‘lom bola» yili dasturi bo‘yicha chora-tadbirlarni amalga oshirish xarajatlari 2016 yilning 1-choragida 4,5 milliard so‘mni tashkil etdi.
Dastur doirasida qishloq xo‘jalik mahsulotlarini ishlab chiqarish hajmining oshirilishi bo‘yicha ishlar davom ettirildi.
2016 yil 1 aprel holatiga ko‘ra korxonalarda saqlanayotgan chorvachilik mollari umumiy soni 2 333 boshni tashkil etadi, ulardan 1 530 bosh yirik qoramol va 803 bosh mayda qoramol.
2016 yilning 1-choragida 6 tonna go‘sht, 195,9 tonna sut, 90,4 tonna sut mahsulotlari, 3,4 tonna sabzavot mahsulotlari va 0,2 tonna baliq mahsulotlari ishlab chiqarilgan.