O‘zbekiston xalq artisti Rixsixon Ibrohimova “Darakchi” gazetasi bilan suhbatda ijodi va shaxsiy hayotiga doir savollarga javob qaytardi.
Jumladan, u shunday deydi: “Televidiniyeda ilk bor jonli ijroda “Vanya tog‘a” spektakli bilan ekranga chiqqanmiz. Ketma-ket telespektakllarda ishtirok etganman. Shunda aktrisa ekanimdan bexabar akam meni televizorda ko‘rgach, uyda katta janjal bo‘lgandi. Otam o‘zi ruxsat berganini aytib, yonimni olgani yodimda. Akam haligacha, “Aktrisa bo‘lishing kerak emasdi-da”, deb hazillashadilar. Lekin ijroimdagi rollarni ko‘rganida, “O‘shanda bekor urishgan ekanman”, deydilar. Televidiniyeda uzoq yillar “Otalar so‘zi — aqlning ko‘zi” ko‘rsatuvida ham qatnashganman. 60 yildan ortiq sahnada bo‘lsam ham, akamning farqingni qiyshiq ochmaysan, tirnog‘ingni bo‘yamaysan!”, degan talabini eslab kulaman. Hozirgi imidjim balki yoshlikdan o‘rganish bo‘lib qolgandir!