21:39 / 02.05.2016
9780

Pavel Durov rossiyalik muxolifatchilarning Telegram’dagi akkauntlari buzilishida Rossiya maxsus xizmatlarini gumon qilmoqda

Telegram messenjeri asoschisi Pavel Durov rossiyalik muxolifatchilar Georgiy Alburov va Oleg Kozlovskiyning akkauntlari buzib kirilishiga Rossiya maxsus xizmatlari aloqador bo‘lishlari mumkinligini aytdi. Bu haqda "Exo Moskvy" xabar bermoqda

Durov kechasi yuz bergan buzib kirish qandaydir sabablarga ko‘ra operatordan keladigan, ichida tasdiqlash kodi bo‘lgan sms-xabarsiz bo‘lgani sababli bunday xulosaga kelgan.

MTS kompaniyasi matbuot xizmatida xizmatlarni maqsadga yo‘naltirilgan holda o‘chirilishga aloqadorliklari rad etildi va buzib kirishning sabablaridan biri sifatida virus hujumi bo‘lgani yoki veb-interfeys orqali akkauntga kirishga ruxsat olingani, deb taxmin qilingan.

"Ko‘rinishicha, Rossiya maxsus xizmatlari aloqa operatorlariga avtorizatsiya sms-kodini ushlashni amalga oshirishlari uchun bosim o‘tkazishni boshlashgan", deb ta'kidlab o‘tdi Durov blogida.

Durov, shuningdek, akkauntni buzib kirish ehtimolidan himoyalanish uchun ikki faktorli avtorizatsiyadan foydalanishni tavsiya qildi.

Avvalroq Georgiy Alburov va Oleg Kozlovskiy o‘zlarining Telegram’dagi akkauntlari buzib kirilganini aytishgan. Keyinroq akkauntlarga Nyu-Yorkdagi bir IP-adresdan kirilgani ma'lum bo‘lgan.

Top