Peru politsiya Boliviyadan mamlakat hududiga kirib kelgan yengil motorli samolyotni urib tushirgan. The Daily Mail xabarida aytilishicha bunga samolyotga kokain ortilgani sabab bo‘lgan.
Samolyot yerga qulagach voqea joyiga huquq-tartibor organlari xodimlari yetib borishgan. Samolyotning 58 yoshli uchuvchisi qo‘lga olingan, u jarohatlangani bois qo‘riqchilar bilan shifoxonaga olib borilgan.
Uning sherigi bo‘lgani taxmin qilingan kolumbiyalik jinoyatchi esa qochib ketishga ulgurgan. Bu jinoyatchi politsiyachilar bilan otishma qilib chekinish davomida 200 kilogramm miqdoridagi narkotik moddalarni yashirishga ulgurgan.
Samolyot bortida 70 kilogramm miqdoridagi kokain aniqlangan.
