O‘zbekistonlik FIFA referisi Murod Muhammedov 5 may kuni 35 yoshida vafot etdi. Bu haqda O‘zbekiston futbol federatsiyasining Twitter’dagi rasmiy sahifasida xabar berildi.
"O‘FF bugun, 5 may kuni 35 yoshida vafot etgan FIFA hakami Murod Muhammedov oila a'zolariga chuqur hamdardlik bildiradi", deyiladi xabarda.
Bekobodlik futbol hakami Murod Muhammedovning olamdan o‘tishi sabablari ma'lum qilinmadi.