Ole nashri xabariga ko‘ra, Argentina terma jamoasining bosh murabbiyi Xerardo Martino og‘ir damlarni boshdan kechirmoqda.
Manbaning ma'lumotiga ko‘ra, Argentina futbol assotsiatsiyasi 7 oydan buyon Martinoga maosh to‘lamay kelmoqda. Murabbiyning o‘zi ham ESPN nashriga bergan intervyusida bu ma'lumotni inkor etmagan.
Shu boradagi savolga u shunday javob bergan: «Men bu bo‘yicha hech narsa demoqchi emasman».
Martino 2014 yilda «albiseleste»boshqaruviga kelgandi. Bungacha u Paragvay terma jamoasida, shuningdek, «Nyuells Old Boyz» hamda «Barselona» jamoalarida ishlagan.
