11 kishi Istanbuldagi avtobus bekati yonida sodir bo‘lgan portlash qurboniga aylangan. Bu haqda shahar gubernatori Vasip Shahin ma'lumot bergan.
Qurbonlardan 7 nafari politsiyachilar, 4 nafari esa tinch aholi vakillari bo‘lgan.
Shuningdek, 36 kishi jarohatlangan, ulardan 3 nafari og‘ir ahvolda qolmoqda.
Hodisa Istanbulning Boyazid tumanidagi Veznijiler bekati yaqinida yuz berdi.
Portlash bekat yonidan politsiya avtobusi o‘tib ketayotgan vaqtda sodir etilgan. Turkiya televideniyesi xabariga ko‘ra, aynan u terakt nishoni bo‘lgan.