08:42 / 10.06.2016
6236

Pogba uchun 2 grand jamoa kurash olib bormoqda

«Manchester Yunayted» Pol Pogbani «Yuventus»dan qaytarish uchun jiddiy harakat qilmoqda.

Tribuna.uz cayti ESPN nashriga asoslanib xabar berishicha, mankunianliklar jamoasi «Yuve» rahbariyati va futbolchining agenti Mino Rayola bilan uchrashgan. Bu vaqtda esa fransiyalik bu yosh futbolchi «Real» tomonidan bildirilayotgan qiziqishni ham hisobga olgan holda voqealar rivojini kuzatishda davom etmoqda.

«Real» Pogba uchun 120 mln yevrolik taklif tayyorlamoqda.

Futbolchining transfer qiymati 65 million funtdan ortiqni tashqil qiladi. «MYu» bosh murabbiyi Joze Mourino Pogbani o‘zi tuzajak yangi jamoada ko‘rishni istamoqda va u bilan jamoaning markazini mustahkamlamoqchi.

Qayd etilishicha, portugaliyalik mutaxassis Pogba Turinda qoladigan yoki madridliklar safiga o‘tadigan bo‘lsa, «Chelsi»dan Nemanya Matichni xarid qilishni mo‘ljallagan.

Top