10:45 / 22.06.2016
6904

Messi Argentina terma jamoasi tarixidagi to‘purarlar ro‘yxatida birinchi o‘ringa chiqdi

AQShda kechayotgan Amerika Kubogi doirasida Hyuston shahridagi «Reliant» stadionida Argentina mezbonlar jamoasiga qarshi turnirning yarim final uchrashuvini o‘tkazdi. Bu uchrashuvning 32-daqiqasida argentinaliklar yetakchisi Lionel Messi gol urib, jamoasi g‘alabasiga hissa qo‘shdi. U 4:0 hisobida yakunlangan o‘yinda yana 2ta golga pas berdi.

O‘yindagi gol Messining Argentina terma jamoasi libosida urgan 55-goli bo‘ldi.

Endilikda Messi  Argentina terma jamoasi tarixidagi to‘purarlar ro‘yxatida birinchi o‘ringa chiqib oldi. Ayni vaqtda Messining hisobida Argentina terma jamoasi safida o‘tkazilgan 112 uchrashuv va bu uchrashuvlarda urilgan 55ta gol mavjud. Bungacha terma jamoa tarixidagi eng yaxshi to‘purar Gabriel Batistuta hisoblanardi. Uning natijasi 77 uchrashuvda urilgan 54ta gol edi. Messi Amerika Kubogining chorak finalida Venesuelaga urgan goli orqali Batistuta bilan tenglashib olgandi.

Messi: Argentinaning eng yaxshi to‘purari bo‘lish men uchun muhim, axir bu Batistutaning rekordi

Top