AQShning Dallas shahrida bir necha politsiyalarni otib o‘ldirgan Miki Ksaver Jonson devorda o‘lim oldi nomasini qoldirdi. Bu haqda CNN telekanaliga shahar politsiyasi boshlig‘i Devid Braun ma'lum qildi.
Qotil devorda R va B harflarini va "ba'zi yozuvlar"ni tasvirlagan. Ayni vaqtda politsiyachilar belgilar ma'nosini rasshifrovka qilishga urinmoqdalar.
Braunning aytishicha, qotilning uyida u shaharda bir nechta portlash sodir etishni rejalashtirganiga ishora qiluvchi dalillar topilgan.
8 iyulga o‘tar kechasi Dallasda politsiyaga qarshi o‘tkazilgan namoyishlarda bir qator politsiyachilarga qarata o‘t ochilgan. 3 nafar politsiyachi voqea joyida, yana 2 nafari shifoxonada halok bo‘lgan. Yana 6 politsiyachi jarohat olgandi.
Hujumni amalga oshirishda gumon qilinayotgan erkak AQSh armiyasining sobiq askari Miki Ksaver Jonson bo‘lib, u Afg‘onistonda xizmat qilgan. Jinoyatchi politsiyachilar tomonidan yer osti avtoturargohida qamal qilinib, robot-sapyor yordamida yo‘q qilingan.