10:54 / 22.07.2016
7252

Tramp AQSh chegara devorlari bilan o‘ralishini ma'lum qildi

Foto: RIA

AQSh prezidentligiga Respublikachilar partiyasidan nomzod Donald Tramp o‘zining dasturiy nutqi doirasida AQShning quruqlikdagi chegarasida devor qurish to‘g‘risidagi va'dasini takrorladi. 

"Biz noqonuniy immigratsiya va zo‘ravonlikka chek qo‘yish, giyohvand moddalar oqimini to‘xtatish uchun buyuk chegara devorini bunyod qilamiz", - dedi Tramp Klivlenddagi Respublikachilar s'yezdining yopilishida. 

U odam savdosi va chegaradan noqonuniy o‘tish, millionlab noqonuniy muhojirlarni deportatsiya qilishga va'da berdi. "Muddati o‘tgan vizalar bilan bu yerda qolib ketayotgan millionlab kishilar uchun qoidalarni yo‘lga qo‘yib, qonunlarimizni hurmat qilishga majbur qilamiz", - deya ma'lum qildi Tramp. 

Trampning so‘zlariga ko‘ra, uning raqibi Hillari Klinton xalqqa "ommaviy amnistiya, ommaviy immigratsiya va ommaviy qonunsizlik"ni taklif qilmoqda. 

"Uning rejasi barcha maktablar va shifoxonalarni (muhojirlar tomonidan) xavf ostiga qo‘yadi, ishchi o‘rinlar va maoshlarni qisqartiradi, muhojirlarga qashshoqlikdan qutulishga halal beradi", - dedi Tramp. 

Mavzuga oid
Top