Buyuk Britaniya bosh vaziri lavozimini tark etgan Devid Kemeronga maktub yo‘llagan 7 yoshli Sharlotta Maklellanga javob xati keldi. Bu haqida Daily Mail ma'lum qildi.
Haddersfildda istiqomat qiluvchi qizning xatda iqror bo‘lishicha, u Kemeronning ishdan ketishiga to‘g‘ri kelgani uchun xafa. Bundan tashqari, britaniyalik qiz bosh vazir-Kemeronni sog‘inishini bildirgan.
Maklellanning onasi aytishicha, qizining o‘zi Kemeronga xat yozishga qaror qilgan. Bir necha haftadan so‘ng qiz javob maktubini olgan. Sobiq bosh vazir qizning qo‘llab-quvvatlashidan chuqur minnatdor ekanligini aytgan.
Kemeronning iste'fosi tufayli xafa bo‘lgan Maklellan bosh vazir lavozimiga Tereza Meyning tayinlanganidan mamnun, chunki “u qiz bola”.
Mey Margaret Tetcherdan keyin Buyuk Britaniya bosh vaziri lavozimiga tayinlangan ikkinchi ayol rahbar hisoblanadi.
