Foto: EPA
Qirg‘iziston poytaxtining janubi-g‘arbidagi O‘rtasoy qishlog‘ida mahalliy vaqt bilan soat 8:45da Respublika Bosh prokuraturasi xodimining mashinasi portlatildi. Bu haqida nazorat organining matbuot xizmati xabariga tayanib, TASS agentligi ma'lum qildi.
Jabrlanuvchi Erkin Kurmanaliyev Bosh prokuraturaning ichki tergov bo‘limida katta prokuror lavozimida faoliyat ko‘rsatadi. Hozirda u shifoxonaga yotqizilgan.
Voqea sodir bo‘lgan joyda tezkor tergov guruhi ish olib bormoqda.
