"Liverpul" Londonda "Uembli" stadionida Xalqaro chempionlar kubogi doirasidagi uchrashuvda "Barselona"ni qabul qildi. Uchrashuv "qizillar" foydasiga 4:0 hisobi bilan yakunlandi.
Uchrashuvdagi 1-to‘pni 15-daqiqada liverpulliklarning yangi o‘yinchisi Sadio Mane kiritdi. 47-daqiqada "Barsa" himoyachisi Xaver Maskerano o‘z darvozasiga avtogol kiritib qo‘ydi. Bir daqiqa o‘tib, mersisaydliklar hujumchisi Divok Origi raqib darvozaboni bilan birga-bir chiqib, uni dog‘da qoldirdi. Hakam tomonidan uchrashuvga qo‘shib berilgan vaqtda Marko Gruich hisobni 4:0 ko‘rinishiga keltirdi.
Ikki jamoa musobaqa doirasida o‘tkazgan uchta o‘yinidan keyin 6 ochkodan to‘plashdi.
Xalqaro chempionlar kubogi
Liverpul (Liverpul, Angliya) – Barselona (Barselona, Ispaniya) – 4:0
Gollar: Mane, 15 (1:0); Maskerano, 47 (2:0, avtogol); Origi, 48 (3:0); Gruich, 90+3 (4:0).