O‘zbekiston respublikasi prezidenti Islom Karimov Italiya respublikasi prezidenti Serjo Mattarellega 2016 yilning 24 avgust kuni mazkur mamlakatning markaziy qismida ko‘plab insonlarning halok bo‘lishi va vayrongarchiliklarga sabab bo‘lgan kuchli zilzila munosabati bilan samimiy hamdardlik izhor etilgan maktub yo‘lladi. Bu haqda O‘zbekiston TIV saytida ma'lum qilingan.
Davlat rahbari o‘z maktubida qurbon bo‘lganlarning oila a'zolari va yaqinlariga hamda jarohatlaganlarga hamdardlik va qayg‘udoshlik so‘zlarini yetkazishni so‘ragan.
Oxirgi ma'lumotlarga ko‘ra, ushbu tabiiy ofat qurbonlari soni 241 nafarni tashkil qilmoqda. Shuningdek, 265 kishi jarohatlangan holda shifoxonaga yotqizilgan.
