General Dynamics Electric Boat kemasozlik korxonasi AQSh Harbiy dengiz kuchlariga 2,7 mlrd dollarlik atom suvosti kemasini taqdim etdi. Bu haqda Assoshieyted Press xabar bergan.
Agentlik ma'lumotiga ko‘ra, submarina tayyor bo‘lishi uchun deyarli 5,5 yil muddat sarflangan. Unga mamlakat prezidenti Barak Obamaning rafiqasi Mishel Obama tug‘ilgan shtat sharafiga USS Illinois nomi qo‘yiladi.
Birinchi xonim suvosti kemasi ishini va uning ekipaji hayotini kuzatish uchun tashrif buyurishi kutilmoqda.
Submarinaning suvga tushirilishi marosimi Konnektikut shtatidagi Groton shahrida 29 oktabr kuni bo‘lib o‘tadi.
