FIFA tashkilot rahbarlarining yillik maoshlari miqdorlari to‘g‘risida ma'lumotlarni ma'lum qildi.
Tashkilot prezidenti Janni Infantino yiliga 1,5 million Shveytsariya franki (taxminan 1,37 million yevro) miqdorida maosh oladi. Shuningdek, u lavozimi davrida xizmat avtomobili hamda turar joy bilan ta'minlangan.
Bosh kotib Fotma Samuraning yillik maoshi miqdori esa 1,3 million frankka (1,19 million yevro) teng.
Bu amaldorlar mukofot pullari olishmaydi va yil oxirigacha maosh miqdori oshmaydi. 2017 yilda mukofotlash tartibi joriy etilishi mumkin.
