Amerika HHKning B-1 Lancer rusumli ikkita reaktiv strategik bombardimonchi samolyoti KXDR yadro sinovini o‘tkazgach, Janubiy Koreya hududi ustida parvoz qilgan, deb xabar qilmoqda Reuters agentligi.
Samolyotlar ikki Koreya o‘rtasidagi demilitizatsiya qilingan chegaradan 77 km va poytaxt Seuldan 40 km uzoqlikda joylashgan Osan shahridagi aviabazadan havoga ko‘tarilgan va qisqa balandlikda parvoz qilgan. Bombardimonchi samolyotlarni AQSh va Koreya qiruvchi samolyotlari kuzatib borgan.
Xabar qilinishicha, parvozlar KXDR yadro sinovidan so‘ng, mintaqadagi keskinlik kuchaygan bir vaqtda Qo‘shma Shtatlarning Janubiy Koreya bilan birdamligini namoyish etish maqsadida amalga oshirilgan.
Avvalroq, Janubiy Koreya o‘ziga nisbatan bevosita yadroviy tahdid bo‘lsa, «Pxenyanni yer yuzidan supurib tashlash» bilan dag‘dag‘a qilgan edi.
