Afg‘onistonning g‘arbida Iyd al-Adha (Qurbon hayit) bayrami vaqtidagi bir qator yo‘l-transport hodisalarida bir kishi halok bo‘ldi, 153 kishi jarohat oldi, deb xabar bermoqda Pajvak axborot agentligi.
"Hayitning birinchi uch kuni davomida Hirot shahri va Hirot viloyatining qolgan 15 okrugidagi yo‘l-transport hodisalarida 153 kishi jarohat oldi, 19 yoshli yigit halok bo‘ldi", deb ma'lum qildi shahar shifoxonasi vakili Muhammad Shafiq Sherzoy.
Sherzoyning aytishicha, yo‘l-transport hodisalariga asosiy sabab tezlikning oshirilishi va e'tiborsizlik, shuningdek, ba'zi yo‘llarda yo‘l belgilarining yo‘qligi, yo‘llarning yomonligi va mashinalarning ko‘payotganligi sabab bo‘lmoqda.
Mahalliy hukumatning aytishicha, ko‘pchilik avtofalokatlar mototsikllar ishtirokida sodir bo‘lmoqda, ulardan ko‘pchiligi yo‘l harakati qoidalaridan xabardor bo‘lmagan balog‘atga yetmagan bolalar tomonidan boshqariladi.
