Respublikachilar partiyasidan AQSh kongressmeni Robert Pittenjyerning aytishicha, Sharlottdagi namoyishlarga sabab oq tanlilarga bo‘lgan nafratdir.
«Ular (afroamerikaliklar) ongi ostidagi xafagarchilik bu – adovat, g‘azabdir; ular oq tanlilarni yomon ko‘rishadi, chunki oq tanlilar – omadli insonlardir, ular esa – yo‘q», – dedi kongressmen BBC Newsnight nashri bilan bo‘lgan intervyuda.
Eslatib o‘tamiz, Shimoliy Karolina shtatida politsiya xodimi afroamerikalikni otib tashlagandan so‘ng, namoyishlar boshlanib ketdi. Voqea 20 sentabr tunda sodir bo‘ldi. Namoyishlar hamon davom etayotgani sabab, Sharlott shahrida komendantlik soati joriy qilindi.
